مقلب زبالة إحنا لسه حالتنا حالة شعب أهبل وبريالة تبقى زيه ونفس حالته لو هتسأل ع العدالة تبقى واكل م الزبالة تبقى راضع طن خيبة تبقى فيك مليون مصيبة بس مش حاسس بعلة الحياة صبحت مملة باللى يرقص ف النوادى اللى قالع ف الفانلة واللى غنا التشت قالى جه وغنا السالمونيلا حاجة نيلة وقول مخلة القصيدة الكافرة واجب عاللى شاف العيشة جلة واللى شاف الخلق خابت من قنا لحد المحلة واللى شاف الدنيا سودا رغم قالوا ان احنا احسن لو قالولك إيه هاتعمل قولهم أشرف لى أحزن قول كفرت بكل واحد قلبه إسود قلبه جاحد لما شافنا خلاص بنغرق داس علينا وقال بساعد واللى نايم واللى قاعد واللى قال ماتقولشى لاءا واللى شير فى البلاوى واللى قاعد ع القهاوى واللى قال الكورة عشقى واللى يشتم كل حاوى أو مخاوى خلى جنه يهز نادى واللى رد عليه وقاله إحنا بنكيد الأعادى واللى يحضر كل دورى واللى وقت الخيبة ثورى سب دينه ودين أبوهم اصلهم حكام برشوة يعنى مزة وقول بعشوة ياخدوا ميتين البطولة والبطولة ف شرع سوسن قرص بيجيب الفحولة اه يادكرى تهز شارع جم يشوفوا لقوه صامولة راح يحرر أرض ليبيا بس مش عاجباه العمولة والعطا كان واطى خالص والمناقصة مش ماهولة والسيادة والسعادة والشراب من غير بيادة كل ده كان إيه يافندم قال ده يبقى الواد حمادة واد حمادة حكايته هى جم رموه الكمسرية اللى يدفع بس يقعد ليه هايقرف دين أبونا؟ دولة فعلا مش طابونة بس ليه بتبان طابونة؟ قالك إيه شخلل وعدى؟ عدى أحسن يحبسونا.. نام مقرفص تحت كوبرى ولا اقولك إمشى دوغرى م العفانة اللى ف صوابعك بكرة تعمل كام صابونة أى حاجة ف إى حاجة عيشها جهل وكل سذاجة وانت طبعا راس جنابك فوقها أعصر كام لمونة قول تريكة وأم مكة شم كل لباس ودكة واللى يبقى ضد خيبتك قول عليه اهبل وساكة قول دى ناس افكارها ماسخة خلق وسخة مش عاجبها نعيش ف خيبة كل حاجة يقولوا عيبة ناس عجيبة ناس غريبة كل حارة وفيها عالمة هما ليه عايزينها عالم؟ قلنا طور وماهوش بيحلب احنا هانغير معالم؟ إحنا يعنى نلوم ف خلقه هو بيهم بس عالم اى واحدة بتيجى تقلع إحنا عادى بنبسط إحنا فرش حشيش يسلطن إحنا بندوس ع الكاسيت ليه تسموا الحظ خيبة والأصالة تكون ندالة انتوا مالكوا ومال أبونا إحنا بنحب الزبالة إحنا بنحب الزبالة إحنابنحب الزبالة!!