نتئلت من جديد على جبل بعيد على قمتو في مخيم وفي لبرد شديد لكن ماهتميت لبردو لاني عنيد وما هتميت ان ئضيت وقتي كلو في وحيد واعدت بخيمتي متحدي كل لعواصف كأني قبطان السفيني في وسط المحيط وائف ماشي عكس الامواج بدون اي مجاذف ماشي على حافت الجبل وبروحي عم بجازف وزدات امالي لما شفت هلاطفال ماهتمت لصعوبي وما عرفت المحال ضلت عم تبتسم كيف ما كانت الأحوال بوئتا حسيت بسعادي وبراحة البال ولا ما تقلي الارض كلياتها وحل وطين عم شوفها نوتيلا من اثار اطفالها الحلوين فصرت حس حالي اني بجنات النعيم وكل ما شوف ولاد البلد يتحرك فيني الحنين مهما الدنيا صارت عسرة ابتسم واتأمل ،، مهما طال اليل القمر راح يكمل ،، مهما طال الدرب بلاخير راح نوصل ،، مهما غابت الشمس الفجر راح يظهر 💕 الظروف الصعبي عم اتخطاها بسهولية ما انا دايما بحياتي اخيد دور البطولية كلمة الضعف بقاموسي لامنها مئبولية شعب من الطفولية علم العالم شو يعني الرجولية وكل ما نكبر منحلا وجمالنا بصير كمان اكتر منمشي بين لجبال شايفين حالنا ومنتمختر لا تفكر حدا احسن منك صدقني انت اشطر اسعى ديما تكون في القمي واياك انك تخسر ورغم انو ما عشنا الحياة يلي منتمناها مختلفي عن بيئتنا بس مشينا على هواها ئصة حلوي مستحيل انو ننساها وئلوبنا تعباني محدا بيعرف شو جواها وراح نضل نصبر ليمل الصبر منا اد ما طال الدرب بلاخر راح يتحقق حلمنا ونرجع لبلدنا ونزرع ورد ويلتم شملنا ونبئى حكاية بطولي التاريخ يحكي عنا مهما الدنيا صارت عسرة ابتسم واتامل ،، مهما طال اليل القمر راح يكمل ،، مهما طال الدرب بلاخير راح نوصل ،، مهما غابت الشمس الفجر راح يظهر 💕💕