قلبي طاب فيك ابلادي قوليي وين حق زوالي فيك رشيت وطاح مورالي شحال بكيت وسالو دموعي فيك تكسرت من برا حي ومنداخل لاحيات لمن تنادي تشوكيت بزاف كيفاش تبدل لحال لحڨرا عندنا عادي كل مانحب نوض من رقاد ولقفة ندخل نكره ونتلاح فمطرحي في صغري كنت  فرحان ونربي فأحلام ليوم راني حزين وقلبي معمر الام دموعي فلعين وصدري يزير فيه سم كلشي تبدل مابقا شي من غير لعلام شعبك مل لقا روحو معاشر لهم ولي يطالب بحقو لسانه يتعدم تغيضك لحالة هاذ سيستام ولا فشعب يحطم وزهر فنص طريق تشنق وتلاح فبير مضلم وزاد تردم بلادي ولات مقبرا مهجورا ولغربان لفوق تغرد شحال من واحد فلهربا يخمم حاب يبعد شحال من واحد فزنقا ترما وتشرد قاع رانا بفارغ صبر نراعو لبلاد تتجدد لجميع شاد فالله لأحد قلبي ولا ڨاطع حاب نبعد من هاذ لبلاد ماني طايع لحكم لفاسد وتقواد رني ضايع معاكم لازم نرفد قشي ونقود في بلادي خماج لماصير كلش تسود لي دير لكوراج ويطالب بحريت تعبير سرواله يهود شعب عيا وطاب لقا روحو تحت رحمت ليهود خرجت من سكاتي خليني نعبر علاش بلادي فيها نتحقر ماتسكتني خو حقي نحكي ونهدر واش تشوف عيني نكتبو فصطر صاي لقلب تعمر وجاني ضيق فصدر خلي نحي سيتار نفضح لعار علاش هاد نيضام يحقر فينا عشنا لآلام بقلب مكسر وتكوينا حقنا تعدم وغاب زهر يربي نجينا شحال سال دم عليك يابلادي ومن تالي خلقت لخوينا ولات لحقرا فيك عادي زواليا وفحبسك باصينا من بكري قتلوك راصة ليهوديا ومحضرنالك دفينا صايي هاد سيستام ملينا ومقدينا حكومة تحقر تحب ضلم وفاسيدة  نتوما لي خنتو شعب ومافيكم ثيقة غميتونا وفسدتو لقلوب رقيقة كلش كذب حلال فيكم لقتيلة طيحتونا فبير مضلم وهذي حقيقة زوالي عايش بداك سم يبوق كل ليلة باش ينسا كل لهم قلبه تعوق ومكان حيلة زوالي فلحيطان يتراما ويتقاييس نتوما تكثرو لقوال مكاش افعال طبايع نسا تصلحو لذل عرايس خليتو شعب يمرض فبلادو ويهبل شحال من واحد بجوانتو وعقلو غايس لقاروحو بسناسل شيطان مكبل