شخبط شخبيط مكاين لا رفيق لا صديق فهاد الدنيا مكاين ما يعجب ولا يليق نايض على الصباح مبوق بتبويقا عميقا خلخلت للموري لعقيقا فيامات الشدة والضيق كيغبرالصديق والصديقة وكنبان الحقيقة حتى تتطلع ليك الشقيقة وكيفقفو معاك فاللخر غير الشقيق والشقيقة فاخير دقيقة كنعرف أهمية العائلة الرفيقة شخبط شخبيط مكاين لا رفيق لا صديق فهاد الدنيا مكاين ما يعجب ولا يليق مرانيش بخير ولا لباس باغسكو money ناقص والصحة مشات وافكار المستقبل تبخرات والعقل تمشكل بالمشكلات والقلب بالهموم والغما حالتو كي ولات مانشكي غير ربي العالي هو لي بالي وهو داري بلي صرا لي وهو لي يحكم في امري و ينجني من ضري لي تفاقم في صدري ويخلف لي عمري لي ضاع ف صغري وبكى على كبري كي شاف بنادم على الدرهم كيجري وانا بكري على الدخان كنت كنڤيڤري وعلى جوان لي برمتو وحطمني كي كميتو لعالم السعادة جرجرني وللمضرة عماني كي تسالى عقلي طار لي النشوة خاصها تولي بوانتي برم عاودتاي راني للادمان درت بلاصتي واخا كنهلك فصحتي وكنزيد نقرب ميعاد موتي الشكوى للرب العالي على ديك الشيطان لي نساني ولطريق الشر داني وعلى صغري بكاني شخبط شخبيط مكاين لا رفيق لا صديق فهاد الدنيا مكاين ما يعجب ولا يليق اسمعني نوصيك دي من هاد دنيا غير رضات مولانى والوالدين صيك وحضي راسك من بني ادم لا يلهيك وللمنكر يديك وللفاحشة يعريك ولشيطان يفديك وبنار سعادتو يكويك وللمغفرة ينسيك حتى يجي مول الأمانة ويديك للقبر تا وحد مايوقف معاك ولا ينجيك من منكر ونكير غير اعمالك لي غتحضيك ومن العذاب غتحميك ويلى كنت خاطي وكيسبقوك يديك الضربة فصحتك غتجيك وجهنم غتشويك وتغسلك من ذونبك باش يزولوليك عاد غيفتح باب الجنة ليك اودي غير الله يهدينا ويهديك ويعافينا ويعافيك وينجينا وينجيك من عذاب القبر وجهنم ويبعدوعلينا وعليك شخبط شخبيط مكاين لا صديق ولا رفيق فهاد الدنيا مكاين ما يعجب ولا يليق